msi

Меѓународниот Славјански Институт на просторoт на Република Македонија постои веќе петта година, а одделението во Битола веќе четврта година. Организирањето и одржувањето на забави од овој тип се традиција како за наставниот кадар, така и за самите студенти.

Студентите се задоволни што Славјанскиот универзитет на овој начин успева да развие добропријателски и конструктивен однос на релација професор- студент кој не е присутен само во просториите на универзитетот, туку и надвор од него на собири како Традиционалната божиќна забава.  Секако дека на ваквиот однос студентите одговараат на начин на кој своите морални вредности ги градат на највисоко ниво и прогресивно се развиваат како идни интелектуалци и академски граѓани. За тоа сведочат бројните достигнувања кои студентите ги имаат постигнато во различни области меѓу кои најзастапени се бизнисот, спортот, културата и забавниот живот.

Од бројните постигнувања на студентите со кои се гордее Меѓународниот Славјански Институт оваа година за прв пат од четиригодишното божиќно славење беа доделени четири пофалници за афирмација на Меѓународниот Славјански Институт при активното учество на студентите во следниве области:

• Спорт – Елена Чакмакоска
• Спорт – Зорица Спиркоска
• Невладин сектор – Дарко Конески
• Културно забавен живот – Крстевски Љупчо

Пофалниците беа доделени после поздравниот говор на раководителот на одделението на Славјанскиот Институт во Битола, Јагода Митревска која обраќајќи им се на студентите им ги честита на истите Новогодишните и божиќните празници, притоа посакувајќи им добро здравје, среќа и успех во годината која следува се заблагодари за масовното присуство на студентите од четирите академски години како и за присуството на професорите кои на тој начин покажаа и докажаа дека се секогаш со студентите во и надвор од високообразовните установи, но не ги изостави и долгогодишните соработници на Славјанскиот универзитет – седмата сила во општеството како што Митревска ги нарече – новинарите. Со своето обраќање беше повикан директорот на Меѓународниот Славјански Институт, Јордан Ѓорчев кој ги поздрави студентите исто им ги честита новогодишните и божиќните празници и ги извести присутните за промените кои се присутни во оваа високообразовна институција со која таа преминува од оваа година во меѓународен корпоративен универзитет со зголемување на бројот на факултети и студиски програми како и со продлабичување на соработката со други универзитети на меѓународно ниво.

После ваквото обраќање директорот Ѓорчев им ги додели пофалниците на заслужните студенти, потенцирајќи притоа дека тоа треба да биде поттик и мотив за нивните колеги да ги продлабочат своите активности во полињата во кои се присутни.