Врз основа на член 108 од Законот за Високото образование на Р.Македонија (Службен весник бр.35/2008) и Статутот на Приватната високообразовна установа Меѓународен Славјански Институт “Г.Р.Державин” Свети Николе распишува

КОНКУРС ЗА УПИС

на редовни и вонредни студенти во прва година на додипломски студии за учебната 2009/2010 година

БРОЈ НА СТУДЕНТИ

Приватната високообразовна установа Меѓународен Славјански Институт “Г.Р.Державин” Свети Николе ќе запише во:

СВЕТИ НИКОЛЕ

•  100 редовни студент и 100 вонредни студенти на Факултетот за економика и организација на претприемништвото,Насока Менаџмент на организација со степен Бакалавар
•  50 редовни и 50 вонредни студенти на Факултетот за економика и организација на претприемништвото,Насока Финансии и кредит со степен Бакалавар
•  25 редовни студенти и 25 вонредни студенти на Факултетот за Психологија, со степен Бакалавар

БИТОЛА

•  100 редовни студент и 100 вонредни студенти на Факултетот за економика и организација на претприемништвото, Насока Менаџмент на организација со степен Бакалавар
•  50 редовни и 50 вонредни студенти на Факултетот за економика и организација на претприемништвото, Насока Финансии и кредит со степен Бакалавар
•  25 редовни студенти и 25 вонредни студенти на Факултетот за Психологија, со степен Бакалавар

УСЛОВИ И КРИТЕРИУМИ ЗА УПИС

Право на запишување во прв уписен рок имаат кандидатите со завршено четири годишно (гимназиско или било кој вид на стручно) образование со положена државна или меѓународна матура;

Доколку во првиот уписен рок не се јави доволен број на студенти во вториот уписен

рок може да се запишат и студенти кои положиле училишна матура во гимназиско образование или завршен испит по завршено соодветно стручно средно образовaние со четиригодишно траење;

Право на запишување имаат и студенти од други акредитирани факултети во земјата или странство, како и дипломирани лица;

При запишувањето студентите треба да се одлучат за начинот на студирање односно за редовни или вонредни студии;

ПРИЈАВУВАЊЕ НА КАНДИДАТИТЕ

Прв уписен рок:

• 01.06.2009 год. до 30.06.2009 год.

Втор уписен рок

• 10.07. 2009 год. до 25.09.2009 год.

Списокот на примените студенти ќе се објави на нашиот вебсајт (www.slavinst.edu.mk) на 05.07.2009 година за првиот уписен рок и на 29.09.2009 година за вториот уписен рок.

Со пријавувањето кандидатите уплатуваат на жиро сметка 30 евра во денарска противвредност и првата рата од партиципацијата. 

Студентите се стекнуваат со статус на студент по уплатата на трошоците за упис и првата рата од партиципацијата и потпишувањето на договорот за студирање помеѓу студентот и установата од кој договор произлегуваат правата и обврските на двете странки.

Партиципација

Партиципацијата за една студентска година изнесува 1000 евра, со можност за плаќање на четири еднакви рати во текот на учебната година. 

Документи за упис

• Диплома за завршено средно образование и положена државна или училишна матура
• Свидетелства од сите четири години
• Извод од матична книга на родените
• Фотокопија од лична карта
• 4 мали слики во боја

Документите да се достават лично во просториите на Приватната високообразовна установа Меѓународен Славјански Институт “Г.Р.Державин” - Свети Николе во Свети Николе или Битола.